Jekhutni učeedukaciakiri institucia an i Srbia thaj pobuvleste an o regioni, kote o Roma šaj studirinena ki pli dajakiri čhib arakhel pe ko Vršac. I uči stručno škola educirinel pedagozia an i romani čhib taro 2009 berš. Dži akana 54 romane studentia nakhle tari akaja škola, a neko taro agorkerde studentia resle te khuven ki buti aso i profesia.
Ola kana agorkeren o studie trujal so si len diploma sar pedagogia , ola šaj keren buti thaj sar edukatoria po romani čhib ko fundavno škole.
Ki akaja škola ko momenti isi 21 studento. Akanaske o romane studentia nane lenge ni majbut ni pohari phareste te arakhen buti aso i prpfesia diferenciaja taro avera da so si studentia ki akaja uči institucia.
O Vršac akanaske si jekhutni diz an i Srbia kote o studentia sikljon an i Romani čhib, sikljon i gramatika, akcentologia e lafenge thaj aver.
Ko sikljojbaskoro 2015/2016 berš o studentia taro Filološko fakulteti an o Beograd i romani čhib si len sar alusaribaskoro predmeti sikljojbaske.
