An i romansko diz Sibiu erati an o utsavalo ceromonialo sine dendi i kruna e neve “Thagarseke e Romenge an i sasti lumia”
O nevo “thagar” Julian II , sine inauguririme nekobor saatoa palo o paruniba oleskere anglutne thagare o Julian I , so mulo ko 12 januari ko 79 berša phuripa.
O nevo korkoroproklamirime “thagar” si čhavo taro džoakanutno Ćromano thagarĆ thaj ov ko agorutne 30 berša dživdinel sine an i USA , numa baši akaja ceremonia taro leiba i kruna irangja pe an o biando than an i Romania.
Akana kana lelja i kruna , o Julian II vakergja kaj ka avel te dživdinel an i Romania ” te šaj majlačheste te legarel e Romen”.
– But si phareste palo 30 berša te irane tut palpale. Numa o problemia e Romencar kerena te iranav man an i them, te šaj majlačheste te legarav me etnose, vakergja o Julijan Radulesku.
O Julian II Radulesku si prandimee čhijaja taro o purano “Romano thagar” Joan Čoaba i Lučia. E Joaneskoro unuko o Dorino ko jekh ov da peste čhivgja pe korkoro sar “thagar e Romenge”, odolea so o familie Radulesku thaj Čoaba si len akana butberšengoro konflikto.
O Julian II vakergja kote jekh taro oleskere prioriteti ka ovel te baruštinen pe o duj familie , so dživdinen an i jekh mahala an o Sibiu.
