Ko akala šudre polarno divesa, svedokia siem taro diferentno akcie an i konekcia te del pe suporto e manušpenge an o socialno riziko, te šaj majlokheste te nakhaven pe akala phare divesa. O akcie keren pe individualno, thaj grupno thaj organizirime. Akanaske asavke akcie startujngje te realizirinen pe thaj maškar o Roma tari Šuto Orizari. Kheden pe thaj love te kinen pe kašta , hajbaske artiklia, renoviriba e tikne thaj šudre kherenge thaj aver. Nesave humano Roma taro stranstvo bičhaven love prekal Transferi e lovenge te šaj den suporto asavke akcienge.
Numa ko akava momenti si kampanje aver kontrastea sar so si “Romane balia”, “Romane party” thaj aver. Ake šansa te sikava amaro humaniteto. Te na aver miro propozalo si, sako ko so ka kinel bileto- tiketo bašo “Romano bali”, “Romani Party” thaj aver ko organizatori te del plus 100 denaria taro tiketo odole riziko manušenge a ko jekh o organizatoria te hulaven taro sasto profito 10% (bizi kalkulacia anglutne donirime 100 denaria sako kindo tiketo) thaj odole lovencar te oven istemalkerde e socialno riziko manušenge!
Em panda jekh buti – sa okova hape thaj bialkoholno pijbe so eventualno ka ačhovel taro odola Party te den pe odole manušenge!
Odokhare!
