Pobaro numero taro anketirime vakerena kaj i prandin thaj bijabipa e čhaven resena angleder 18 berša thaj odova si saste normalno.
I Srbia akava kurko thavdingja i informacia kote o dat bikingja pire čhaja (16) taro Kruševac bašo 3.000 eura an o rate thaj jekh purano auto.
I sasti akaja situacia uli an i romani mahala Čitluk, thaj agjaar sine o biav tari akaja bori so sine la 16 berša.
– Normalno si o čhija te prandinen pe ko tikne berša numa taro mangipa. Neko prandinena pe ko 15, 18 jali 20 berša. Ko sar ka zamangel pe. Numa amen pakajaj thaj te phana amen sar amala. Na prandina len zoresa thaj na bikina amare čhijen, vakeren o anketirime.
Aso o informacie , 85 % romane čhija prandinen pe angleder 18 berša, a 70% olendar bijanena angleder te pheren ple berša.
– Prandingjum man an o 14 berša, bijangjum ko 15 berša. Akana tre ovav nane te prandinav man ko odola berša. Numa akana si but kasno – vakerela jekh terni romani čhaj so akana si la 23 berša.
Link: https://www.youtube.com/watch?v=_xIvC6VUkic
