O tikno 6 beršengoro Amet Renato sione jekhutno tari Makedonia an o kampo so legarel le sine o Podibo thaj aver duj špansko treneria tari Barselona thaj efta italijancia so keren buti olencar. Panda ko avgo meči i Renato sikavgja pe super thaj savore falingje le.
„But sium čalo olestar. O Rodolfo bešlja olea , majanglal grabujngja ole thaj vakerel leske sine ko jakha kaj nane akate driblingia trujal an i situacia jekh ko jekh. Majimportantno si i kontrola e topkake thaj pasi. Palo odova notiringja kaj lačheste legarel o fudbali thaj vakergja leske Renato Čavi thaj čhivgja ole popalal te khelel sar konektori , a ov počmingja te driblinel thaj te kerel sprintia. Salde odova sine lenge an o šero, kontrola e fudbaleske thaj pas kheliba. Vakergje salde jekh anomalia a odova sa dži kote khelel korkoro. Amen vakergjam kaj an o timo kaj so khelel si buteder upreder avere čhavendar, nane kaske te del o fudbali, a an i Barselona sikaven len an i pas khelin panda taro tikne berša. Nane driblingo, odova šaj salde kana nane kaske te de la thaj niko na phravel pe tuke. Numa jekh manuš te ovel tuke korkoro, trubul ko odova momenti te de la oleske” vakerel oleskoro dat o Jusufi.
So separirinela e Renato?
Sine interesno sar šaj jekh tikno čhavo taro 6 berša lana khuvel an o teren but si komotno. Kana khelgje avgo drom fudabli o Renato dengja 4 golia thaj me gndinav kaj tegani ov kingja olen. 100 droma vakergje kaj isi le perfektno motorika a odova si sar 9 jali 10 beršengere čhaveste. Amen gindingjam kaj si salde talenti , numa o talenti si ko štarto than.
Ola vakergje amenge o čhavo kana bijangjovela i motorika bijangjovela olea. Jali isi le jali nane le. Ako akana tikne vakteske sikavel la an o tereni ka kerel la panda majšukar thaj ka hulavgjovel averendar. Kana i motirika phanel pe e tehnikaja o rezultati si driblingo. Kana čhavo taro 5-6 berš ka kerel driblingo odova si čače hulavibaske. Ko pandžto than si i fudbalsko intelegencia. Vakeren kaj panda nane leske but buvljardi, ama isi le. Vakeregje mange kaj kana dikhen le sar te dikhen e Neimar kana sine čhavoro.
