An o beršeskoro SOS raporti vakerela pe kajh akava berš majbaro problemo so notirinen an o SOS telefonia si o čorolipa. Ko amriba mujal o čorolipa , o jeria na ranen but piri sama pe čhavenge.
„O čhave dikhibaja akaja situacia ola dikhen kaj trubul te den arka pe familiake , kaj trubul te keren buti thaj egzistencia odolea so majbut keren buti bikiniba diferentno artiklia , kheden plastika, kartoni thaj aver.
Ko desave momentia thaj mangena devlenge an o droma a odolea ola ovena viktimi an o majbare riziko thaj forme.
Akala čhave kamnen te educirinen pe te ovel len čhavoripa sar aver čhave a o čorolipa kerel lenge te oven inferiorno thaj diferentno taro aver čhave.
Ola gnidnen kaj olengiri jazia si nango maripa mujal o čorolipa thaj egzistencia” vakerel pe an i konkluzia an o SOS raporto.
Ola vakerena kaj o čhave trubul te oven arakhle , havde thaj astarde. Trubul majlokheste te dikhen pire hošina thaj te del pe lege motivia te šaj del pe lenge zoralipa.
O jeria trubul te ovel len majbari komunikacia pire čhavencae thaj jekhutne formaja te šaj majlačheste funkcionirinen tma te avel dži ko biulačhe momentia.
Resarinaja te kerel pe prevencia an i agresia thaj terori trubul senzibiliteto e jerienge (phurederenge) thaj o čhave ko forme ki komunikacia resiba džanlipa nazorea faisali e konfliktenge , empatia thaj implementacia an o educiriba an o škole.
