Amdi Bajram taro SRM so si an i koalicia e VMRO DPMNE-a thaj o Kurto Duduš taro SDSM si neve romane deputatia an o Parlamenti an i R.Makedonia.
Palo alusariba an o 11 dekemvri thaj definiribaja o palemvotiba an o tearce an o 25 dekemvri , rotiringja pe i lista e kandidadencar an o nevo parlamentarno khedipa an i Makedonia.
O VMRO DPMNE an o nevo khedipa gejnela 51 deputati, SDSM 49, DUI 10, BESA 5, Alijansa e Albancongiri 3 thaj o DPA 2.
An o sasto parlamentarno khedipa e hakoenge taro Roma ka ikeren o džiakanutno deputati Amdi Bajram thaj o nevoalusardo parlamentarco taro SDSM o Kurta Duduš.
Ko athinalipa e momentea ko ka kerel o nevo Govermento šaj te ovel panda jekh romano deputati , numa telel o šasrti ako o mandatori e neve Govermenteske si taro SDSM. Odoleske panda nane vakti te kerel pe lafi te šaj džanel pe dali thaj o Samka Ibraimovski taro PCER ka ovel ko nevo parlamentarno khedipa.
Konstitutivno mitingo e neve parlamentarno khidipaske si notirime majpalune dataja savato 31 Dekemvri kana nakhel o roko aso dendo Ustav.
Ka resen li ko avutno mandati o romane šučiba akala duj deputatia te ikeren ka sikavel o vakti, kote majsiguritetno si kote jekh ka ovel an i pozicia a o aver an i opozicia.
