E tikne beršengiri delikvencia thaj terori maškar o terne si akana paše jekvaš an i niveli an i sasti Makedonia.
Akava sikaven o majneve rezultatia taro Themakoro ofisi baši statistika , so sikavela kaj ko agorutne ofto berša p numero taro došperavibaskere aktia kerde taro terne prepelo bašo 44 procentia.
Numa i praktika akava drom sar te na ovel paralelno e numeroncar tari teoria soske e policiakere bilteni sako drom si kerde an o jekvaš ratvale aktencar kote than lena o dikneberšeskere aktia.
Aso oficialno informacie an o periodo 2007 dži ko 2009 berš sine notirime progreso taro 19% ko kerde aktia tari rog e ternenge ki paralela taro 1.229 aktia an o 2007 berš thaj 1.518 aktia an o 2009 berš. Numa majbaro periba sine rgistririme aktia an o periodi 2009 dži ko 2015 berš kana taro 1.518 ko 684 aktia jali saste tiknjarde si bašo fantastično 55%.
Sar so si notirime an o raporto majbaro numero registririme aktia (75 %) sine aktia so o terne kergje zijani an o imoti, a 7 % taro sa o numero aktia si mujal o dživdipa thaj personalno thaj o tromalipa thaj sansari.
– O disfunkcionalno familie , jali o terori an i jekh familia šaj an o abro percepcia te kerel o čhave panda taro tikne berša te oven svedokia an o asavke percepcie , thaj palo odova ola da korkoro te džan an i tikneberšengiri delikvenciua, thaj majodorig ko but pophari forma kriminalo so si konektirime terorea – vakeren o psihologia.
