Muli i thagarutni e romane giljake thaj muzikake i Esma Redžepova, o paruniba si notirime avdiseske an o 13:00 saati an o limoria Butel an o Skopje
Esma Redžepova muli erati javinate an o 73 berša phuripa . Oj butederenge ka ačhol sar jekh tzaro majbare humanitarcia ko avdisutno vakti, so o čorolipa kana sine čhavoro siklili te marel pe pe giljajbaja thaj ko thavdipa e karieriake so si paše šov decenie thaj dengja suporto averenge te resen an o po dživdipa.
Bijami 1943 berš sar pandžto ko šov čhave. Olakoro dat ko thavdipa an o bombardiriba an o 1941 berš našvagja jekh piro, a i Esma dengja suporto te šaj te kerel buti hajbaske an i familia.
Avduve an o 12.12.2016 palokurko an i hala e diyjake Skopje an o 11 o saatia ka ikerel pe komemoracia baši Esma Redžepova Teodosievska sar giljavutni, tekstihramorutni thaj humanitarka thaj aktuelno membro an o Konsili e dizjake Skopje.
An i hala edizjake Skopje ka ovel phravdo thaj lil bašo mazunipa.
I Esma ka ovel čhivdi an i Kapela e limorienge Butel taro 11:00 dži ko 13:00 , a o paruniba ka ovel an o limoria an o Butel an o Skopje startea taro 13:00 saati.
