O respektiriba manušikane hakoenge si sakoneske, bizi diferenca taro nacionaliteto, jeripa, rasa jali religia” vakergja o Kenet Roth legarutno direktori an o Human Rights Watch.
I limia notirinela o Dive e manušikane hakoenge so an o 1948 berš sine aklamirime univerzalno deklaraciaja bašo manušikane hakoa. An o 10-to Dekemvri ko ikonsko oblakodero an o New York Empire State Building thaj i Kula taro CNN an o Toronto sine rošale an o v’nato kolori sar nišani notiribaske i misia taro Human Rights Watchthaj i jurisdikcia an i sasti lumia.
“Avdive utsavalkeraja i Misia taro Human Rights Watch” thaj univerzalno moldipa so keraja promocia. ” Ko vakti kana si progresi an i dar, daravipa thaj intolerancia importantno si te bičahavs mesažo thaj signalo kaj o respektiriba e manušikane hakoenge si sakoneske – naathinale taro nacionaliteto, jeripa, rasa thaj religia, vakergja o Kenet Roth legarutno direktori an o Human Rights Watch.
Ko akaleberšeskoro dive manušikane hakoenge notirinel o starti e kampanjake taro UN “Ačhov palal nekaskere hakoa”. Odova dela baripa e manušen an i sasti lumia te sikljoven e manušikane hakoenge, te vazden piro krlo kana neko aver si telal daravin thaj akharena e lideren an i lumia te respektirinen e manušikane hakoa.
O Human Rights Watch si naathinali, internacionalno organizacia fundirimi 1978 berš. Upreder 400 bukjarne ko 90 thema an i lumia keren aktiviteti te čhiven agor e phagibaske e manušikane niamenge , prekal implementacia fundavno rodaripa thaj okola so keren odova te ikaven len anglal o kriso. O Human Rights Watch na lel finansisko suporto tari nisavo govermento.
