Soske jekh normalno statistikani operacia sar so si gejniba e dizutnen so an i sako normalno them ikerela pe ko sako 10 berša, an i Makedonia si seriozno politikano pučiba. Soske jekh asavki operacia trubul te anen decizia o partie jali o Govermenti, a na e Themakoro Ofiso baši statistika te kerel piri buti bizo desavo politikano thaj etnikane konotacie. O agorutno drom kana manglja pe te kerel pe akaja statistikani operacia startujngja an o 2011 berš numa palo tikno vakti sine čhinavdi. Diferentno špekulacie bašo karane soske oj čhinavdili. Taro sa o špekulacie duj šaj te oevn majrealno. O albansko političaria darana kaj o numero taro Albancia an i Makedonia si but majtikno taro nivelo 25% an o Ohridsko pervazialo kontrakto.
A savore barabutne sar o makedonikne agjaar thaj o albanikane političaria darana taro emigririme dizutne tari Makedonia. Savore bizo baro problemo angje decizia – hramoariba nane!
Majodorig udžaraja o političaria te keren kompaktibilno piro dikhiba baši akaja urgentno statistikani operacia te implementirinel pe. Ko tikne antvortia o partie vakerena:
VMRO DPMNE akcentirinela kaj mangen statistikani operacia ka ovel, numa kana ka keren pe šartia odoleske.
An o DUI na mangena te den direktno antvorto si jali na mangena nevo hramosariba numa anglutne trubula te ovel “maškarkoaliciono kontrakto neve gejnibaske” thaj palo odova te kerel pe plani bašo modaliteto thaj forma sar ka kerel pe akaja statistikani operacia kote savore ka pakjan an o odova”.
Bibahtake , o šerutno kotor tari irami sama e statistikake gejniba džala palem an o etnikane diference, soske o VMRO DPMNE thaj o DUI odova trubul sine te keren organizacia, vakergja tegani o vicepresidento an o SDSM i Šekerinska.
„Konkluzno pučiba so trubul te del antvorto e hramosaribaske kobor manuša dživdinena an i makedonia. Dujto konkluzno pučiba si sostar dživdinen odola manuša. Save si o realno socialno, ekonomikane, regionalno problemia, te šaj legarel pe asavki politika” vakergja i Šekerinska.
