I manipulacia e romane votoja isi thaj an o Kumanovo vakeren o Roma. ” Dži kote o politikane partie dena love thaj aver te šaj bikine ti vota sako si le niami te lel sa so dela pe leske numa palo o pravani šaj dela i vota kaske so ov kamela. Odova si than so niko našti dekhel so amen odothe notirinaja em kaske.
Numa i resarin nane sako drom odoja. I resarin si te džana kaske thaj soske daja amari vota. Sa o romane dizutne si informirime e programenge taro politikane partie – te dikha olen an i savi programa amen arakhljovaja thaj te anavna faisali te da amari vota jali na , vakeren o Roma taro Kumanovo.
An o Kumanovo keren pe strategie bašo manipulacie thaj odova ko 60-70 % siguritetea. Po desavo drom i edukacia nane odokhra importantno kobor so khelel rolja o socio -ekonomikano statusi e Romenge.
I transparentnost si moldime sar na but an o politikane partie soske i “pakjiv” kerel piro konstatiringje o diskutantia. Bašo kergje bilačhe bukja an i akaja diz ko agoirutne 25 berša o Roma tari akaja diz sar kompenzacia rodena:
Te čhivel pe an i buti diplomirime Roma thaj 1 bukjarno tari sako familia:
O kherutnipa te faisalkerel pe:
Te mukhen pe o nakhle borčia so mukhle amare parapaia:
Bajraripa e socialno arkake:
Majlačhi infrastruktura:
Persona- ofiso te ovel le rolja te kontrolirinel o love so resen an i them an o anav e Ropmenge te dikhel pe kaske thaj kobor hardžinena pe:
“Amen te na kergjam amare niamia, nane aver te kerel”
