O thema so si len kontrakto bašo bivizakoro režimi ka trubul te informirinen e dromaribaske thaj te pukjinen odoleske.
E Europakiri Unia planirinel te anel asavko sistemi taro elektronsko vize sa okola so dromarena an i Šengen zpna a nane dizutne tari EU.
Upral i funda akale sistemeske sa o themutne ko thema so e EU-ea si len kontrakto bašo bivizakoro režimi ka trubul te informirinen bašo dromaripa thaj te pukjinen odoleske, havlajrelao germansko magazini “Welt”.
O gazeta akahrela pe aso o dokumenti so si kerdo taro europakoro komesaro andrune bukjengje Dimitris Avramopulos.
O dendo sistemi baši registracia e simantrenge an o EU (ETIAS – EU Travel Information and Authorization System) ka ovel jekh taro konsekvence baši kontrola e simantrenge kana aven manuša taro trinto thema.
O sistemi ka šaj te hulavel i informacia si li o avipa jekhe personake an i teritoria EU si riziko taro fakti sar legalno imigracia, arakhiba, siguriteti, arakhiba sasto sastipa , notirinel pe an o dokumenti.
Akava deiba viza ka ovel ko moldipa taro 5 eura , ka del pe personenge so si len upreder 18 berša thaj oj ak ovel validno dži ko 5 berša.
I decizia andi taro migracisko ofiso ko desave thema, a na taro europakere ofisia.
Aso o plani taro Avramopulos, resiba akale dokumenteske nane te lel majbut taro 10 minutia.
O plani akale sistemeske aktueliziringja pe palo teroristikane atakia an i Francia thaj Belgia resarinaja te čhinaven asavke atakia ko avutnipa. O nevo sistemi majanglal ka targetirinel e Britancon , sar dizutne e themenge kote i EU si le bivizakoro režimi.
Link: http://kurir.mk/svet/vesti-svet/velt-eu-so-plan-za-voveduvane-elektronski-vizi-za-vlez-vo-shengen/
