O viceministeri bašo agrari thaj ekologia an i Srbia o Aleksandar Vesić. havljargja kaj ki Srbia isi buteder taro 3.500 nalegalno deponie, a šerutno faktori si so nane Kanoni komunalno aktiviteteske, thaj bilačhi politika bašo globe. O Vesić an o Beograd lelja thaj ko mitingo baši reciklaža “Green Forumi” thaj vakergja kaj o raporti tari Europakiri Komisia e Srbiake sikavel tikno progresi ko odova sektori. Oj te šaj pherel sa o šartia tari EU an o sektori protektiva e dživdipaskere maškarutnipaske trubul te investirinel paše 10.5 milijarde eura.
Aso o Vesić i nalegalmno ekonomia keren buti paše 35.000 socialno kategoria dizutne, kote majbaro numero olendar si Roma so keren nalegalno khedipa o gunoj thaj ola si phare te evidentirinen pe an o sistemi, sosek nane satipaskere siguritno thaj te oficializiringje pli buti ola ka našaven o socialno.
Aso o lafia taro Direktori ko sekretariato baši protektiva e pašipaske an o Beograd o Filip Abramović vakergja kaj o dokeriba e deponiake ki Vinča trubul themakoro thaj privatno partenrstvo thaj love paše 300 milionia eura.
„ O avutno privatno partneri trubul te sanirinel thaj te phanel desave deponie, te kerel than kote o gunoj ka kerel artikliriba elektrikani thaj takjaribaskiri energia, te khedel pe sa o selektirime gunoj baši reciklaža”
Aso oleskere lafia e dizjakoro ofiso startujngja te kerel jekh reciklatorono centari automatsko liniencar kote ka kerel pe selekcia e gunoeske kote o dizutne ka šaj anen kabasto gunoj, elektronsko thaj elektrikano gunoj, baterie thaj gume em lakia.
