O Hasan Dudć na mangel te ovel pobut bizo kher thaj odoleske konkuriringja bašo kher -apartmani e socialno čipotenge , vakeren o srpsko mediumia.
O nekanutno rom taro Zlata Petrović vakerel akala aktia:
“Apliciringjum rodaripaja ko 24 oktomvri dži ki diz te šđaj den man apartmani dživdipaske. dengjum sasti dokumentacia doktorsko dekretia, ko agorutne 10 berša thaj lila sar faktia bašo ikerde humanitarno thaj aver sportsko aktia akale themake”
“O šanse si but tikne soske konkuriringje phrdo akteria, asrtistia, sportistia thaj opersko giljavutne, so ko jekh nane len ni olende khera. Dži kote resav te den man desavo aprtmani taro 40-50 m2 ka trubul ko masek te pukjina po 2.5 eura sako kvadratoske thaj ko jekh o komunalie. Odova nane lokheste. Te na pukjingja o jekhto thaj o dujto masek, o trinto masek ka frden tut avrial” vakerela o Dudić.
Ov vakerel kaj si pharo leske te džal salde telal kirie thaj isi le sastipaskere problemia ko akala palune berša.
“Taro 1972 berš me dživdinav ko hotelia thaj kirie. Ko desave thana ni khandoja nane te khuven. Ake 10 berš soim ko hotel Slavia thaj ko masek pukjinava paše 200 eura. Savorengje dengjum suporto, thaj akana si mange majimportantno so me familija najpaše kergjum len kherencar. me ka šaj te adaptirinav man korkoro” vakerela o pendžarutno kompozitori.
Link: http://www.kurir.rs/stars/dogorelo-mu-hasan-dudic-trazi-stan-kao-socijalni-slucaj-clanak-2537885
