O Dragoljub Acković mangel ki sako forma te ačhol an i funkcia ko Romano Konsilo kote ko masek avena 16.500 eura. O purane kolegia akana došakjeren le kote nikana ov na dikhel sine o interesia e Romengere numa salde interesirinen le sine o love!
E Dragoljub Acković hari leske o 1.400 eura masekoskiri plata a isi le thaj aver imot ‘baro kher, apartmasnia , numa mangel te ačhol ko Nacionalno Konsilo e Romenge. Sar šerutno motivi te iekrel akaja funkcia si o love so resen ko akava Konsilo ko masek 16.500 eura. Akava vakerela o aktuelno Presidento taro Izvršno Ofiso e Konsileske o Slavko Jovanović.
Aso o informacie tari Agencia vash mariba mujal i korupcia , o imotno listo taro Acković tergjol kote sar Vice direktori an o Ofiso manušikane thaj minjoritetengere niamia, ko masek lela 1.250 eura (140.000 srpsko dinaria), thaj ko jekh ekstra paše 180 eura ko masek (20.000 srpsko dinaria) sar honorarno bukajrno an o Radio Beograd. Ko jekh ov si gazda bašo paše 1.000 m2 kher thaj aver biznis apartmano so si moldime milionia.
O Sekretaro taro Nacionalno Konsilo e Romenge o Ljuan Koka vakerel kaj e Acković majbut interesirinena o love a na o Roma.
„ Ov kerel emisie pi romani čhib, a na džanel šukar te kerel Romani vorba, a kerel pe majbaro Rom an i Srbia” – vakerel o Koka.
O Acković sar antvorto ko akala informacie vakerela: ” Mli plata ko masek si 1.000 eura (120.000 srpsko dinaria), a mo kher so paše 500 m2 Si man rikono anavea Gvozden, jekh mačka anave Maria thaj duj paren šošoja. Taro Nacionalno Konsilo ni jekh drom ko mo dživdipe na haljum ni jekh ručko”
An i lista tari Agencia vash maripa mujal i Korupcia sikavela kontra odolestar. Aver da anonimno potencirinena kaj e Dragoljub Acković thaj ko jekh em e Srgan Šain interesirinen salde o funkcie thaj o love, a na o Roma thaj olengere hakoa.
Link: http://www.informer.rs/vesti/drustvo/38743/BAHATO-Ackovic-zaradjuje-ima-kvadrata-i-hoce-jos
