An o 11 Dekemvri 2016 berš thaj data so šaj anela nevi politikani historia an i Makedonia. Šaj odoja data ka anel nevo momenti, jali nevi klima an i Makedonia. An i odoja data i Makedonia ka ovel ko jekh “than”.
An i asavki “atmosfera” udžarel pe akaja data. Ko than te ovel baro dive e demokratiake, amende si sako drom 2te ovel jali na”. Akana palem mobilizacia ple simpatizerenge thaj membria. Thaj akana akcia bašo sako “neutralno” . Thaj palem “thud em avgin”. E akana savi si politikani kultura ko Roma.
Odola manuša si specifično. Si man percepcia kote tari rig taro sa “akteria” an i politika, ola džan tari logika ” E bokhalea majlokheste kerel pe manipulacia”. Isi čačipa ko odova. Okova si nane len, si majbaro kurbani! Ov haricaja da ka ovel čalo!.
Odoleske taro “alusaribaskoro meni” sako drom isi than bašo “10 eura”, “! paketi e socialnio kategoria dozutnenge” ” Tikno bukjarnipa” , ” prolongitriba o kanoni globenge”m, ” Posek socilano jali minimalno plata majuče bašo 10,20 jali buteder procentia ” thaj aver.
Dejba lafi, mitingo ko kurke, droma, emisaria po droma ki mahala, lopate, lente, asavde muja, deiba lafia, pašipa e “majčorolea”, pijbe soko, kafa, čaj ko melale sokakia thaj khera maškar o kandidati thaj o “bokhalo vogji”.
Kobro si lačhe thaj egzotično , džovaplipa, serioziteti tari olengiri rig. Odoleske sar e Romenge agjaar thaj o aver te dikhen, opservirinen thaj te anen decizia. Te chiden tari maksima: ” Sikav mange političari so na hohavel, me ka sikavav tuke prostitutka so si panda čhaj! – Pakjav salde ko okova so dikhava!
