Taro 21-24 oktomvri an o Ohrdi ikergja pe o Jekhto Romano Medicinakoro Kongresi. aktiviteti an i forma taro proekti ” O studentia tari medicina thaj o romane komšie” so realiziringja le i Asociacia ko zojrakeirba thaj organizacia e romane jekhinake “Romano Avazi” thaj finansisko suportoa tariu Fondacia OSI.
An o Kongresi than lele 20 studentia taro Medicinakere fakultetia an i Makedonia taro sa nacionalitetia. I resarin akaleske sine te zapendžaren pe o studentia, o avutne sastipaskere profesionalcia historiaja, kulturaja thaj tradiciaja taro Roma, te zapendžaren pe e konceptea tari narativno medicina thaj i etika thaj jekh a jekh tretmani taro pacientia.
O Proekti “O studentia tari medicina thaj o romane komšie ” si le resarin senzibilizacia thaj progresi an i empatia ko studentia tari medicina mujal o Roma , tiknjaripa taro stereotipia thaj segregacia mujal o Roma an o sastipaskere institucie , an o mediumia vash negativno aspekti taro legaripa thaj percepcia e Romenge thaj bajraripa i pativ e Romenge ko sastipaskere profesionalcia.
Trujal o Kongresi ko proekti an o avutne masekoa si planirime televizisko debate thaj organizacia manifestacie ko importantno datumia ko romane mahale an i Makedonia. Akala aktivitetia ka oven organizirime thaj implementirime taro korkoro manuša so lele than an o akava Kongresi.
