O šajdipa te ovel normalno thaj dostoinstveno dživdipa si jekh taro fundavno manušikane hakoa. Numa o tikno dživdipaskoro standardi so si paralelno taro tikne plate, nalačhi edukacia, phagiba bukjarnengere hakoa, socialno separacia taro grupa dizutne an o sasoitnipa, politikano thaj socialno dživdipa si uče indikatoria bašp nivelo o čorolipa an i Makedonia.
Ko avipa e notiribaske o Internacionalno dive ko maripa mujal o čorolipa ko 17 oktomvri i Makedonikani platforma mujal o šorolipa, i Fondacia Fridrich Ebert – ofiso an o Skopje thaj i EAPN – European Anti Poverty Network, organiziringje konferencia an i tema Inkluzia: Thaj me da mangav te ovel man dživdipa sar so isi averen! so sine an o kino Kultura startea taro 10 o saati.
„I Makedonia udžargja akava dive ko čorolipa” vakergja o Milan Živković tari FES-ofiso an o Skopje vash Civil Media.
Taro organizatoria havljardo si kote an i konferencia pungja pe o krlo taro socialno peravdi kategoria grupa dizutne so si kreatoria e socialno politkake thaj sikaven sar si te ovel manuš čorolo, bizi vota, čhinavdo thaj bisterdo.
O Civil – Centari tromalipaske ko plo rodaripa sar kotor e proekteske ” Socialno hako sakoneske akana!” persi berš alo dži ko bubahtale statistike vash inivelo čorolipaske an i Makedonia . Bibahtake 50% taro dizutne an i Makedonia panda dživdinela ko but phare šartia, a olengere manušikane hakoa thaj tromalipa taro dive ko dive sa si majbut peravde.
Link: http://civil.org.mk/2016/10/16/i-as-sakam-da-imam-zhivot-kako-drugit/?lang=mk
