O Germansko govermento an o Berlin dengja džovapi ko pučiba taro deputatia taro Grune vash i situacia e manušikane hakoenge an i Srbia kote esapinen kaj i Srbia kaste dikhen sar “siguritetno” them na tromal odova te keren. O DW ko elskoro sajto sikavel interesno džovapia tari rig e Germaniakere Govermentoske an i konekcia ki akaja tema.
Sar ironia si kote jekh političari tari partia Grun sine le bari presia kote i Srbia thaj o aver thema taro agjaar anavkerdi Paščimalo Balkani so si notirime sar “siguriteno thema” . O Grune deceniencar napalal si mujal deklarativno anavkeriba e theme sar “siguritetno” zojrakeribaja kote ki dodoja forma barjarel pe i diskriminacia thaj natolerancia teoretski ki sako them an i lumia.
Sar so notirinel ko plo teksti o DW akcentirinel kote ake duj berša sar i Srbia, Makedonia thaj BiH si havljarde thaj čhibvde an i lista sar “siguritetno” thema, a jekh berš ake ki odoja lista si akana i Albania, Kosovo thaj Montengero,. Odova sikavela kote i germansko administracia thaj o ofisia vash migracia thaj našutne, okola so rodena azili taro odola thema o aplikantia taro thema sar “siguritetno” jali aver forma vakerdo olengere aplikacie vash o azili notirinen pe sar “nafundavutne thaj naadekvatno” thaj olende resel dekreti te deportirinen pe majsig napalal ko thema kotar so avile telal urgentno akti.
I deportacia na čhinavel pe ni bašo vakti kana dela pe kontraargumenti ko majuče Krisia thaj startunel i obligaciono aktivizacia.,
Odova ki praktikani forma si te šaj tiknjarel pe o numero aplikantia bašo azili so aven taro Balkani an i Germania.
