Zojrakeribaja o avutne konekcie sine tema an o ispirantivno mitingo so ikergja pe e Indisko Uče Komisiaja an o London erati ko 13 oktomvri.
O ministeri vash koordinacia o rajo – A.S.Radjan udžargja e ofto membrengiri delegacia kote olate sine thaj 5 membria tari Internacionalno Romani Unia – IRU. O rajo Radjan vakergja kaj si but loshalo so dikhlja i Ashok Chakra i rota bahtake, kote o Romano flago konektirinel o duj nacie ko akava simbolikani forma. O šefi e IRU Komisiake an i konekcia e Indiaja o Verandra Rishi lipargja an o mitingo o dikhiba e Indira Gandia so sine ko 1-to Romano Festivalo so organiziringja oleskoro akana mulo dat o V.R.Rishi.
O rajo Rishi vakergja kaj ko učipa e delegaciake an i agenda si o rodaripa e Romengoro te oven oficialno athinale sar importantno kotor tari historia tari Indiakiri diaspora.
-O rajo Radjan dengja antvorto kaj akava aspekti dikhela pe thaj ko buvljaripa e definiciake ki akaja konekcia si šajdutni. O Ex Generalno sekretaro an o IRU thaj ko jekh akanutno Šefo e Komisiake vash Demokrtasko Transicia an o IRU o rajo Grattan Puxon bičhavgja bare seljamiadži ko rajo Radjan ko anav taro IRU Presidento o Zoran Dimov, thaj te oven prebičhavde thaj dži ko Indiakoro premieri o rajo Modi.
O rajo Puxon ko jekh sine le rodaripa te kerel pe jekh mitingo maškar o rajo Zoran Dimov thaj e Idiakere diplomatsko ofisea vash konekcie thaj te buvljaren pe an o Internacionalno nivelo.
O akanutno konsiliaro o rajo S.S. Sharma so anglutne sine le angazmano an i Indiakiri Ambasada an o Beograd, thaj ka ovel čalo te sine asavko mitingo. Ko jekh sine kerdi sugestia te kerel pe startno kontakto prekal o rajo R.K. Sachdeva an i Indiakiri Ambasada an i Sofia, Bugaria. Majodorigutne diskusie učharen i šansa vash buvljaripa o bizniso thaj biznis aplikacia prekal IRU Bisnis Forumo, sar so sine vakerdo taro o rajo Roger Lee thaj o rajo Joseph Patrick Jones, tarp Gipsy Consil Coperativa.
O rajo Michael Daduk notiringja i rasno diskriminacia so si an i sasti Europa thaj o rajo Radjan notiringja kaj havel akala situacie thaj i dukh so ovela odolestar.
I mangin aso sa so isi an i India , akcentea an i muzika thaj o gilja so sine notirime taro o rajo Toma Mladenov presidento taro Roma London. Ov vakergja kote šel milje Roma kergje migracia an i Britania ko akala berša thaj buteder olendar si tari Bugaria.
E Kulturakiri thaj lingvistikani konekcia sine dende tari rig taro Valdemar Kalinin., presidento an o Gipsy Consilo thaj taro o profesori Tomas Acton. Akharina sine bičhavdi thaj dži ko Učo komesarijati te len than ko avutno 50-to Jubilejno berš taro Gipsy Consilo, thaj o Internacionalno Romano dive 8-to April 2017 berš thaj an i Komemoracia an o Genocid taro Roma an o 2-to Avgusto o berš so avela. O rajo Radjan vakergja kaj o Roma ka oven akahrde te len than vash e Indiakoro nacionalno dive ko 15 avgusto thaj ko sa aver bare akcie so kerel i India. Ov kergja prezentacia set lila e muzeoske taro Roma an o Marden. Baro numero taro odola lila si dende e rajoske Radjan tari rig e rajondar o Rishi thaj Valdemar.
