Nakhle biš thaj pandž berša taro havlajripa korkorutni thaj demokratsko R.makedonia, numa an o kola droma ačhile o Roma? Reslja lenge đansa vash politikani participacia, numa kobor olatar kergje ola buti?
Nakhle odokhare berša, numa dikhindo an i statistika palem o Roma si majčorole thaj majteleperavdi kategoria nacia an i them. Odoleske taro odova aspekto refelktirinel pe o sasto angažmani sar e themake agjaar thaj i romano politikano bloko participientia an i them.
Starzujngje nekobor importantno socio , edukaciakere strategie numa o refleksie si but nadikhle. Sa odoja inferiornost tari Romani populacia so targetirinel pe sar tikni edukacia thaj analogno o ekonomsko takati akale grupake thaj nakonkurencia an i marketi e bukjake.
Започнати се неколку битни социо, образовни стратегии но рефлексиите се некако Isi vazdiba nivelo an i edukacia. Majabro numero isi Roma agorkede edukacia an i maškarutni škola thaj fakultetia. Numa palem o rom,a si najriziko populacia sar kategoria. Oja trubul vakti numa nakhle 25 berša! Si li odova refleksia taro navakteskiri jali salde tikno nivelo lende akcie.
Kobor si aktivno o romane politikakere participientia ko legaripa akala berša. Keren li akcie so trubul e Romenge. Jali salde agjaar figurativno thaj nekobor simbolično numeria taro partisko čhijbe ki buti čajljona odolea. Aso i statistika Roma isi 2.6% an i them a aso implementacia an i buti ki themakiri administracia si salde 0,7%! I akana?
I sasti themakiri administracia gejnela 118.000 a aso o procentualno participacia ko than te oven pobuter taro 3.000 Roma an i administracia oj gejnel paše 700-800 Roma!
Akala numeria sikaven o realno angažmani e themake thaj o romano politkano bloko olate. Akava si motivi dži kote ko 11 dekemvri akava berš ikeren pe anglovakteskere alusariba te ovel drumo si trubul te ikeren o Romane oilitikane partie ki eventualno koalicia e makedonikane jali albanikane politikane blokoa.
Trujal te vakera kote importantno rolja trubul te khelel thaj i infrastrukturno thaj aver momentia ko thana kote dživdinen o Roma.
Akava si sar lipar , te na ovel palo odova vakerdo: “Pa na vakergjen”!
