Anibaja i vizno liberalizacia an o 2009 berš e makedonsko themutne šaj sine tromale te dromaren an o thema tari Šengen Zona thaj odfothe te ačhon maksimum dži ko 90 divesa sar turistia.
Akava momenti sine lačhe akceptirimi savorendar soske tiknile o deiba love ko procedure kana aplicirinel pe vizake, thaj majlokheste šaj te džalč pe ko thema tari Šengen zona. Numa i selektvno opservacia akale lokharibaske tari vizno liberalizacia angja diskriminatosko praktika mujal o Roma.
O analize sikaven but bibahtale numeria
Aso i analiza so kergje o FRONTEX, o Ofiso bapi demokratia manušikane hakoa thaj buti tari USA thaj e Europakoro Konsilo dži ko 2014 berš irame sine paše 20.000 Roma makedonsko themutne tari makedonikani simantra. Sebepi tendenciozno bajraripa e numeroske taro berš ko berš šaj te anel pe percepcia kote dži ko agor e 2016 beršeske paše 25.000 Roma šaj te oven irame taro makedonikane simantre.
Taro grafikonia so si sikavd notirinel pe kote majbaro nivelo irame Roma sine an o 2013 berš kana sine irame 6.700 Roma taro makedonikane simantrakere nakhiba. Faktea kote aso agorutno kerdi statistikani tari populacia an i Makedonia sisi 54.000 Roma, a o numero taro irame 25.000 Roma ikerel 50% taro irame Roma an i Makedonia.
Link: http://respublica.edu.mk/blog/2016-09-26-11-17-03
