E šužipaske tari terni Romani čhaj tari Podgorica , i Rosalinda (15) ka ovel bahtalo thaj o pendžardo Džakomo Pučini, pendžardo autori e operake “Toska”, thaj ko jekh e žiri komisia sine la phari buti te alusarel e majšuže Romane čhija taro Montenegro. Thaj interesno si so baš olakoro telal anav si -Toska!. Akala dive o reprezentativno kompleksi “Knjaz” ko Nikšić sine o centari taro alusariba majšuži Romani Čhaj an o Montenegro.
Kana o ceremonial majstori o Duško Mitrovič havljargja o anava ko si Mis e Romane džuvlenge taro sa o komune an o Montenegro, ki sala sine baro aplauz. I Rosalinda ali dži ko viktoriakoro troni. “Džangjum kaj ka legarav i viktoria”- vakergja i Toska
“Akaja kruna tergjol lačhe ko šero, numa me nane te trampinav man, thaj majodorig ka kerav amalipa me amalencar. I konkurencia sine čače zoralia i organizacia ko učo nivelo.
Sar avgo dži majšuži sine i Gentijana Gaši (19)tari Budva thaj akcentiringja te reslja viktoria thaj desavo phursako ko love,, sa o love ka del e čorole čhavenge.
I dujto dži majšuži sine i Almedina Bečaj (19)tari Podgorica thaj oja d sine čali ple ukcesea. O prati sine sasti rakj, a ko kheliba trujal o Roma sine thaj Crnogorcia, Egipkjania thaj Aškalie.
