Majuči rasa manuša a so o percepcie taro nacistia si blond Germancia sar so si paše sa o dizutne an i jekh tikni diz ko Brasil. Okova so si majčudno an o odoja tikni diz isi but baro nivelo an i lumia khamne so bianena bliznakia.
Šukar avilen an o Kandido Godoi, tikni diz an o Brasil, kote o numero taro bliznakia si 1000 dromenge majbaro pobaro taro proseko.
Phareste šaj definirinel pe akava fenomeni, a o žurnalisto thaj historičari Horhe Kamarasa vakerela kaj sa akava si sar konsekvenca taro kerdo eksperimento so kergja le e Hitlereskoro “angeli meribaske” o Josef Mengel upral o lokalno manuša.
Čače si kaj o Mengele palo Dujto Lumiakoro maripa našlja an i South Amerika kja nesavo vakti dživdinel sine thaj ko Kandido Godoi.
Numa an i diz angleder da sine blondi emigrantia tari Polska thaj Germania , thaj olengiri arievsko forma našti te notirinel pe prekal monstruozno eksperimentia.
Numa o pučiba si sar šaj odokhare te ačhon khamne ko bliznakia ki odokhar tikni populacia panda nane džovapi.
-Me gndinava kaj o Kandido Godoi sine laboratoria e Mengeleske thaj an i odoja dizori reslja te kerel ple eksperimentia tari majuči rasa so si len blondi bala thaj jakha vakerel sine ko plo vakti o žurnalisti Kamarasa, kote persi berš mulo.
-Prekal dende desave faktia kote kerel sine opservacia e khamnipaske e džuvlenge thaj del sine nesave medikamentia thaj preparatia, kerel sine bašo veštačko oplodiba , thaj kerel sine eksperimentia guruvnjnencar so bijanen sine salde muršen telcora so bijanena bliznakia.
Oleskere špekulacie čhudel o lokalno historičari Paulo Sotijer so vakerela kaj ko vakti taro Mengele na sikljola sine bliznakoncar thaj o khamnipa an o Brasil. Thaj na salde odova , numa aso i opservacuia taro genetičaria odova procenti bliznakia e genetsko izolacia thaj incesi.
Ko jekh o informacie sikaven kaj ko akava reoni o numero bliznakia em khamnipa ko jekh sine but baro angleder te avel o Mengele odothe.
O dizutne ko odova gav si len hulavde gindia numa neko vakerela kaj manuš so ličinela an o Mengele sine notirime ko gav ko 60-to berša.
Link: http://www.nytimes.com/2011/03/25/world/americas/25brazil.html?_r=0
