Jekh taro majbare umetnikia, skulptoria thaj grafičaria ko 20 veko, fundavutno e kubizmoske o Pablo Pikaso sako drom sine garvasialo ko ple romane darhie. O umetniko so kergja upreder 6.000 slike, skulpture thaj animacie so si moldime milionia, prandingja pe duj droma, sine le pherdo kamlja . Sine le 4 čhave, a o agorutno – i čhaj i Paloma biandili leske kana sine le 68 berša.
O špansko slikari Pablo Ruis si biame an i Malaga ko 25 oktomvri 1881 berš sar ćhavo taro likovno pedagogo. Palo odova lelja pe dajakoro anav sar plo – Pikaso.
Oleske artia thaj aktia ko oleskoro periodi na sine verifikujme thaj moldime, thaj umetniko sine leske verifikujme but berša napalala.
Premal o Ginisovo rekordi sine kerde paše 13.500 slike, 100.000 grafike, 34.000 ilustracie lilenge thaj 300 skulpture.
Barabutni moldi taro odola aktia an o 1973 berš si moldime ko 750 milionia dolaria.
O aktia ” o hariale patrina thaj o kipo” (1932) an o 2010 berš bikingja pe an i aukcia taro Krisitja an o Njujork ko 2010 berš bikingja pe bašo 106,5 milionia dolaria.
„O čhavoro lulaja” (1905) an o 2004 berš an i aukcia taro Sotebij an o Njujork bikimi si bašo 104,17 milionia dolaria.
