An o 02 septembro akava berš ko dizjakere limoria an i diz Kiryat Shmona an o Israel sa religisko ceremnoniaja sine parume o romano žurnalisto thaj aktivisto o Valerij Novoselski
Ki parunibaskiri ceremonia an o Jaudiengere limoria an i Kiryat Shmona agorutno respekto olestar than lele oleskiri paše familia , oleskere amala, pendžarutne, paše kolegia thaj aver dizutne.
Ko jekh ki parunibaskiri ceremonia than lelja e dizjakoro majoro e komunake Boris Sidelkovski.
Ko jekh ikergja pe parunibaskiri misa thaj respektirimi vorba vash oleskiri buti thaj aktiviteto so notiringje la oleskere paše manuša.
Te šaj lipara kote o Novoselski mulo ko 20 avgusto 2016 berš an i Latvia. Sebepi oleskoro meripa an i aver them , o trupo sine transportirime tari Riga an o Tel Aviv a palo odova ando ki oleskiri diz.. Pali havljardi informacia kaj trubul suporto bašo transporto sine stopirime proceduralno soske na sine love. Pali havljardi informacia buteder humano manuša dengje plo suporto te kerel pe o transportokote odoja obligacia trubul sine te keren la i Roxana jali o Nortmund Rudevich sar organizatoria e festivaleske an i Riga, pali kaskiri akahrin o Valerij alo odothe.
I sasti procedura sine mukhli oleskere dajake i rajona Lčavdia Novoselski si bičhavgja apelo bašo donacia te kerel pe transporto oleakere čhaveske.
