O sikle so džana ko maškarutne škole thaj si taro familie so si ko socialno riziko šaj te aplicirinen te resen šartialo lovengoro suporto ko učipa taro 12 milje denaria (200 eura).
O Ministeriumi bašo buti thaj sociala o Dime Spasov ki pres konferencia dengaj informacia kote isi akharin thaj te konkuririnen o sikle ko maškarutne škole so džana ki ničale edukacia thaj avena taro familie so len socialno lovengoro suporto.
– Sa o zainteresirime trubul te aplicirinen ko centria bašo socialno dži ko 30 septembro. Akava lovengoro suporto te ovel relizirime kvartalno kote o love ka oven pikjime ko konto tari daj e čhaveskioro. Sa okola so džana niamale ki škola thaj si pobuter taro 85% ko barabutno edukaciakoro plano si aktvno ki škola ka resen akaja dopherdi finansisko suporto, vakergja o ministeri Spasov.
Akale aplikaciake akale beršeske si hulavde 1,1 milionia eura thaj planirinel pe finansiko te oven ko suportio pobuter taro 6.000 familie.
I programa taro finansisko suporto akale kategoria sikle realiziringja pe ko sikljojbaskoro 2010/11 berš dži akana si investirime barabutne 6.6 milionia eura jali finansisko suporto si dendo e 46.000 personenge.
