Pali informacia bašo meripa taro romano aktivisto thaj fundavutno e RWN , o Valery Novoslesky so angja šoko an i buvli romani thaj aver populacia, thaj pali kerdi obdukcia thaj aver analize hazrkerdo policiakoro raporto, akana kerel pe organizacia transporto e mule Valery Novoselsky tari Riga Latvia an i oleskiri matično them Izrael.
Faktea kaj si internacionalno themutno kaste o meripa sine an i aver them – Latvia i procedura taro transporto si kuč, so ko momento si phareste soske jekh taro jeria e Valeriaskere, oleskiri daj i rajona Klavdia Novoselsky nane an i situacia taro finansisko aspekto našti agorkerel i sasti procedura te šaj o akana mulo čhaveste tari latvia te transportirinel an o Izrael.
Odova si transportno finansisko konstrukcia ko učipa taro 2.000 eura ko akava momenti i rajona Novoselsky našti arakhel.
Fakti si kote o Valery an i Latvia reslja pali akaharin taro organizatoro e Romane muzikakere festivaleske taro Romano Kulturakoro Centro kote sar direktoro si i Roxana Rudevic čhaj taro presidento e IRU Latvia o rajo Nortmund Rudovic so ko jekh oleskere rigatar sine organizirime Parlamentarno khidipa kote odova khidipa sine akhardo thaj avilo o akana mulo Valery Novoselsky.
Akana si pučiba aso kanoni ko desave aktia tari akaja forma trubul li o korkoro organizatori te arakhel thaj opservirinel sa o formalitetia pe akharde gostenge thaj te sine desavo bibaht jali meripa sa o eventualno finansisko love.
Ko akava momento trubul o korkoro organizatori (si li odova i Roxana jali Nortmund Rudevic),te legaren o džovaplipa te len o eventualno obligacia bašo transporto, a na i korkoro rajona Klavdia Novoselsky te pukjinel sa odova.
Trubul neko taro upre anavkerde persone (kali olengere organizacie) te šaj te del o love.
Numa ačhol o apelo tari rajona Novoselky an i konekcia te kheden pe odola 2.000 eura te šaj agorkerel pe o transporto. Odola love trubul i daj taro Valery te pukjinel an o konto taro Ministeriumi baši avrutne bukja tari Latvia te šaj kerel pe o transporto taro Valery.
Sa o humano thaj lačhe manuša šaj te pukjinen o love an o akava konto:
Please see attachment bank account details of the Israel Postal Bank- Kiryat Shmona.
Beneficiary Name: Novoselsky Klavdia
ID Number: 316862960
Account Number- IBN: IL 83009001000002513276
Swift Code: IOPAILIJ
Bank Number: 09 – Branch: 01
