Avdive notirinel pe e limiakoro dive telal o moto: ” O drumo dži ko 2030 berš: Eliminacia e čorolipaske thaj ikeriba artikliriba thaj hardžiba”. Akava berš ko fokusi čhivela pe i legarutni rolja e ternenge ko arakhiba jekhipa thaj resipa progresi ko sasoitnipa.
Bašo Y-PEER lumiakoro dive e ternenge si šajdipa te utsavlkeren ko investriba o terne ko progresi olengere šukaribaske thaj o lačhipa ko jekhina kote dživdinen.
O dive e ternengoro, Y-PEER Makedonia notirinela le taro 2007 berš lokalno aktivitetea , kjonektiribaja persi berš ki lumiakiri kampanja ki promocia e resarinenge #sdgs prekal aktivitetia thaj kampanje ko socialno netvorko e haštagoa #thajManIsiresarin. #иЈасИмамЦел.
Prekal implementacia e terne netvorkoske kerel o procesi taro alusariba ttargetia ko nacionalno nivelo, te len oblikacia e ternenge tari Makedonia so si adresirime prekal ” Ternengoro propozalo bašo post – 2015″ thaj sine len suporto taro 47 makedonikane ternengere organizacie.
Y-PEER si globalno ternengoro netvorko taro organizacie thaj institucie teloikerde taro Fondi nacionalitetenge taro UN (UNFPA) so kerel buti terne manušencar ki protektiva e ternengere sastipaske. Ki olate konektirime 700 civilno organizacie thaj institucie ko pobuter taro 50 thema taro regionia tari Utarpurabali Europa, Asia, Pacifik, Utarali Afrika thaj Arapsko thema, Centralno Afrika thaj Latinsko Amerika. An i Makedonia Y-PEER netvorko si taro 2002 berš thaj kerel aktiviteto ko lačharipa ko seksualno thaj reporoduktivno sastipa e ternenge thaj akceptiriba olengere hakoenge.
