Ko april akava berš sine atakujmo o Mitko Jonkov terno manup taro romano nacionaliteto tari rig e Angel Kalev an o Ovčepolci , Bugaria.
Prekal o info taro ERRC o kriso an o Pazardžik angje decizia kote o Angele si došalo soske kergja atako taro motivo (a so membro 126, akt 2 taro KZ aso Bugariakoro kanoni). O Kriso angja akti phanlipa 11 masek phanlipa, šartiale 3 berš.
“An i Bugaria praktika si asavke incidentia o organia bašo procesia ignoririnen sine ko nakhlo vakti asavke incidentia. Ko akava akti o Kriso kergja iraniba thaj pativ kote akaja praktika an i Bugaria ko avutnipa ka ovel implementirimi buteder” akcentiringja i Margarita Ilieva direktori taro Helsinško komiteto an i Bugaria.
O akti so sine notirime tinangja o bugariakoro sasoitnipa thaj aver em kergja nivelacia taro solidariteti. Ko video kerdo prekal o mobilno telefono so si 2 minutia dikhel pe kote o Angel verbalno thaj fizičko kerel atako upral 17 beršengoro Mitko.
O terno Mitko barilo čorolo thaj ko momenti kerela buti thaj parvarel ple 4 phareln.
An i Bugaria isi 800.000 Roma, thaj but droma sine atakujme.
