An i konekcia ko akana sig pres tari Partia baši sasti emancipacia -PCER , kote šubiukerel e komuna Šuto Orizari kote bilačhe istemalkergja europakere love ko učipa taro 548.801 eura, ple demantea iklile i komuna Šuor Orizari kote notirinela akava da:
Nane čačipa kaj i komuna Šuto Orizari ko 8 dekemvri 2014 berš reslja granti ko legaripa so prezentiringja o PCER.
Nane amenge pendžarde kotar thaj sar akala aktia o PCER kerel funda, thaj nane amenge pendžarde upral save dokumentia prezentirinen o love so si bilačhe istemalkerde.
„Ni i komuna Šuto Orizari thaj ni aver organizacia aso amare džanlipa isi len reslo love te phravel pe artikliribaskere pogonia bašo neve bukjrane thana thaj ekonomsko progresi thaj investicie an i komuna”.
Maškar o aver ki vaktavin tari Komuna tergjol kote:” Ko 04.11.2014 berš i Komuna Šuto Orizari kergja signatura ko Kontrakto e rečozaciake ko proekto ” Ker buti lokalno buvljar globalno , numa hariale” ko partenr konekcia taro NGo sektori tari romani jekhin tari Makedonia, membria tari Čehia, Slovenia, thaj Republika Bugaria thaj asocijativno partneri i Hrvatska. I resarin e proekteske sine te vazdel pe o nivelo edukacia an i godi taro akala thema o te oven konkurentno ko phrajbe ple biznisia ko pervazia aso o standardia ko odola thema tari EU. I komuna Šuto orizari sar jekhutni romani komuna nane la korkoro jali korkoro te kerel buti e lovencar tari Europakiri Fondacia”.
Ko agor taro demanti tari komuna Šuto Orizari akcentirinena:
” Ko agor i komuna Šuto Orizari na distancirinel pe taro leiba than ko upreanavkerdo proekti barabutne e trin e membroncar tari EU numa akcentirinela kote o PCER sikavel hohavipa thaj dezinformacia sar ko učipa taro love thaj o implementacia e proektese thaj sar si realizirime.
Informirinaja tumen kote ni jekh drom našti sine korkoro te ana decizia bašo aktivitetia thaj finansisko suporto a si ko anav e uprenotirime proekteske.
Odoleske dikhaja kote o PCER si sate dezinformacia thaj trubul te jertisaren pe saste romane populaciake prekal o notirime faktia thaj o respekto an i Europakiri Unia thaj e Romen jekhinake sp dživdinen thaj keren buti ko odola thema thaj ki sasti Europakiri Unia” – tergol ko demnati tari komuna Šuto Orizari.
