Membria taro familie isi len faktori te daran ple dživdipaske, efta bare thaj duj tikne čhave mule ko 49 droma kerde atakia upral i romani jekhin an i Ungaria taro januari 2008 dži ko 2011 berš fakti so si saste pendžarde.
Ko agorutno vakti i 31 beršengiri Varadi nikana anglutne na geli peske taro plo biando gav Džendžešpata so si 30 km nord tari Budimpešta. Ko gav isi 2.800 manuša notiribaja 450 Roma kote isi rudniko angarenge.
Ko gav palo odova reslja policia. Uravde ko kale uniforme anavkeribaja korkoro peste sar Civilno garda bašo majlačhe avutnipa thaj pirencar khuvgje ki mahala thaj giljavel sine askereskere gilja thaj anel sine daravin.
Palo odova ale aver duj grupe konektiribaja thaj i grupa Vederei (takati arkahibaske)v uravde ko maskirno uniforme thaj šastrale toverencar thaj buldogia so havčinen sine.
Trujal duj masekoa rakjate thaj diveske phiren sine ko droma, giljaven sine gilja, khuvena sine ko udara a e gavutnen anavkeren sine len sar “melale Roma”.
Kana na sine len akcia okola so sine bašo minimizirime kriminali” i policia piel sine.
Dži akana mujal olende nane dendo ni jekh došperavibaskoro akti , numa odoleske jekhe Rome angje kriseskiri decizia phanliap 2 berša sebepi kerdo incidenti mujal odola gerilcia . Panda 5 Roma udžarena andi kriseskiri decizia asavke incidenteske. Ko targeti taro hungariakere nacionalisrtia sisi paše 400.000 dži ko 800.000 Roma.
