I pozicia thaj diskriminacia e Romenge an o sasoitnipa ki Špania si dikhli kana an i akaja them arakhalja pe ki ekonomikani kriza. Prekal i gazeta El Mundo , 40% taro Špancia na kamen e Romen , jali na kamen Rom paše peste.
I Špania ko nakhlo vakti len sine e thema so del agzamplo kote o Roma si konektirime ko politikano jali ekonomikano aktiviteti an i them. Avdive i Romani jekhin si ko bilačhi pozicia konektiribaja thaj o segmentia: edukacia, buti, kherutnipa, sastipa thaj administracia.
An i statistika tergjola kote ko 2007 berš an i Špania isi 750.000Roma avare rigatar e Španiakere Roma si anavkerde sar “Hitanos” thaj nane oficialno notirime sar etnikano minjoriteto.
Numa i storia okole avere Romencar so resle sar imigrantia taro aver thema dživdinena ko phare ekonomsko thaj socialno šartia thaj si anglal diskriminacia.
Odoleske ko internacionalno deklaracie thaj rezolucie i Špania čhivgja signatira te kerel nacionalno strategia bašo Romano statusi. Odova konektirinela Nacionalno socialno konekcia specijalno prioritetea e Romane investicienge sar so si buti, ediukacia, kherutnipa. sastipa thaj socialno inkluzia.
