Soske kerel pe rodaripa ko kinobikiniba manušencar an i romani populacia? O preperutne tari romani jekhin perel ki majmarginalizirimi kategoria manupa an i them. Ola si majtele ko nivelo ekonomsko, civilno thaj socialno standardi thaj siguriteti.
Ko odova nivelo o oficialno inkorporirime an i Romani strategia so sine andi tari rig e Govermentoske ko 2015-2015 berš Informaciancar tari statistika o numero manupa ko 2002 berš sikavel kote target si o Roma satr so si bizi butui, duj drom majbaro nivelo. O tikno niveko tari edukacia determirinen majbaro ktoor taro Roma te keren majteluni thaj majhari pukjimi buti but droma fizičko butui so ko momenti phareste resen thaj odoja buti sebepi o baro rodaripa an i berza bukjake. Ko asavke krizno momentia thaj purane edukaciakere kriteriumia panda pobut marginalizirinena e Romen.
Prekal o statistike ko nivelo tari R.Makedonia so len socialno isi 60.000 familie a olendar paše s20% si Roma. Odova sikavel paše 10.000 romane familie lena socialno O dživdipa ko asavke šartia kerel len teleperavdi kategoria manuša thaj potencialno viktimia ko kinobikiniba manušencar. Odoleske o mangina tari identifikacia si faktori kote i romani populacia si riziko kategoria thaj ki funkcia te kerel pe majbaro usporto thaj protektiva akale populaciake.
