I Romani mahala an i bugarsko diz Vidin hulavdi si tari diz betonsko duvarea. odova nane jekhutno problemi so arakhen pe o Roma.
Tari europakiri perspektiva si kalr: duvar so izolirinela jekh etnikani jekhin si duvar so notirinel geto, bizi diferenca sar si o vokabulario tari etnikani jekhin jali o govermento.
O duvar si tamikerdo lovencar taro danoko yorea kerdo trujal i peticia taro Roma tari odoja mahala. Ki Bugaria phatrtsete si neko te vakerel o lafi – geto, soske o korkro Roma na mangen odova lafi. Odova si olenge bibaht.
„ Na dživdinaja ko geto amen sime normalno manuša” šunel pe but droma. Olenge o lafi “geto” si sar neko si majtele. Ola o lafi geto na haven le sar akti taro stereotipo.
I Romani mahala ko Vidin anavkerdi si sar ” Nevo drom” . Šaj odova precepirime si sar cinizmi so o nevo drom nane le nisavo direktono drom dži ko centari e dizjake. O alternativno drom legarel prekal o limoria numa aodova da si akana phanlo soske kerel pe Akanaske resle 15 km randimo drom , čorde love thaj e dizjakoro šerutno sii šubikerdo bašo korupcia. odolea astarde si thaj o Roma soske ola da si dizutne . Ola si majbut astarde soske e panjeskiri infrastruktura na nakhela tari olengiri mahala. ” Akana trubul salde kontrolno punktia thaj policiakoro časo” vakerena o Roma.
Tari diz isi len džovapi. sar e duvareske sar e panjeske soske na nakhena tari romani mahala, soske o kehra sar so vakeren nane panda legalizirime. ” Ka ovel sa bare barikade. šaj ka čhinavel o čoriba taro sekundarno gunoj” vakerena ki šala o Roma taro Vidin.
O roma tari akaja mahala nane len but asajbaskere momentia. Ola pobuter kerena lafi bašo problemia, bare panja, bizi buti, izolacia, jekrigakoro drom thaj aver.
Link: http://www.dw.com/sr/duga%C4%8Dki-betonski-zid-iza-njega-geto/a-18366792
