I Demokratska Partia tari Srbia (DSS) avdive dengja dži ko Parlamenti e Srbiakoro Baham rezolucia bašo genocid tari Biathinali them taro Hrvatia upral o Srblie, Jaudie thaj Roma ko vakti taro Dujto Lumiakoro maripa.
O presidento taro DSS Sanda Rašković Ivić akcentiringja ki konferencia e žurnalistenge ko Parlamenti kaj i rezolucia si borči bašo o viktimia thaj historikano fakti. Oj dophergja kote o numero taro viktimia si falsifikujme, thaj o zagrebsko oberbiskup thaj kardinali Alojze Stepinac mangel te ovel svetco thaj o aver faktoria kote e DSS motiviringja te del i rezolucia.
I Sanda Rašković Ivić notiringjas kaj i rezolucia nane legardi mujal i akanutni Hrvtaska numa našti te astaren te keren buti bašo nakhlo vakti soske vakerelela kote bizo te dikhel pe o nakhlo vakti nane baruštiba thaj prosperiteto.
“Akava si antifašistikano akti thaj nane importantno so inicirinela, thaj trubul te del pe suporto. Akava nane partisko pučiba numa jekh nasvalo thaj pharo pučiba, n” notirinen o membria taro DSS.
E rezoluciaja trujal o aver si trampa ko Kriseskoro Kanoni so kerel iraniba thaj relativizacia taro genocido. ka sankcionirinel pe , palo odova ka rodel pe termini – Memorialno dive e viktimenge taro genocido, aniba školsko časo thaj tamikeriba memorialno kompleksi.
