Ko 29 juni akava berš ki diz Enšede, Holandia, ikergja pe Kongreso baši integracia e Romenge thaj Sinti anavkerdi sar ” Perspektiva bizo simantre”.
Ko Kongresi kergja pe plani vaš implementacia ko 6 proektia finasirime tari EU baši integracia e Romenge thaj Sinti tari Germania thaj Holandia.
O učipa e proektenge si 14 milionia eura thaj trubul te participirinen pe maškar o organizacie so ka oven konektirime an o akala proektia.
Ko Kongresi than lele pobut organizacie thaj themakere institucie tari Germania thaj Holandia maškar so : Themakoro sekretari taro NRW taro ministeriumi baši buti, integracia thaj socialno pučiba, membria taro dizja Dusiburg, Dortmund, Keln, Bon, Gelzerkirchen, Essen, , dizjakoro šerutno tari diz Enšede,Holandia thaj aver.
Romane organizacie so lele than an o Kongreso sine Manuša Franz Roman taro Ministeriumi baši buti thaj sociala taro NRW, Sinti Detschland – Amaro Drom, Piter York taro Enšede, Holandia, Enisa Ramadanović, Romane Romnia taro Roterdam thaj i Daniela Irina Hamidović taro Koln, Germania tari Internacionalno Romani Unija – IRU .
O proektia ka oven kerde baši integracia e Romenge thaj o Sinti thaj regulacia olengere statuseske, sar civilno thaj politikani integracia an o ple thema thaj majučo nivelo an i edukacia e Romane populaciake thaj aver.
