Palo ikeriba e 10-to IRU Kongreseske ko Skopje ko mart 2016 thaj o intenzivno lende akcie tari rig e Prezidiumea taro IRU ko čekat e Zoran Dimovea thaj i majnevi registracia taro IRU, ko jekh o dikhiba e uče membroncar taro pobuter institucie sar so si EU an o Briselo, Strazbur, Berlin, Bon, Viena, o kampanje an i Skandinavia thaj aver europakere metropolem o majnevo aktiviteti si mitingo e uče manušencar taro Unime Nacie an o Njujorko.
Prekal o paše informacie taro Romatimes.news kote reslja akava info, phanlo si o lafi e dikhibaske e uče membroncar taro UN so trubul te ovel ko periodo e masekoske noemvri akava berš.
I data nane panda definirime sebepi i bari agenda taro duj riga , numa ko fakti si kaj si phanle detalia e mitingoske ki konekcia e dikhibaske taro IRU thaj uče membria taro UN. Liparibaske si kote taro 11 dži ko 13 juli ka ovel Parlamentarno IRU sesia ko Skopje thaj o IRU delegatia ka anen decizia an i konekcia e mitingoske ko UN thaj i strategia sar te ikljol pe anglal akaja institucia.
