O thagaripa Britania thaj North Irska hulavgje pe ko imoportantno referendumi te ikljoven jali ačhoven an o EU.
Palo gende 380 taro sa 382 alusaribaskere regionia sine klar kote o ačhojbe e Britaniake an i EU našti te dopheren o 1.2 milionia hangia pohari taro okola so mangen te ikljoven tari EU.
Aso i dikhin taro BBC kana gejngje pe ko agor o hangia sdine 52% mujal okola so kamen te ačhoven an i RU taro 48%
Ko ofto o časo javinate palo gende hangia sine akala rezultatia:
Te ačhon ko EU: 48.1 %
Te ikljon taro EU: 51.8 %
O procento kobor iklile an o referendumi sine: 72.2 %
O ikljoviba sine baro nivelo, na odokhar kobor so sine o prognoze taro 80%. Šaj o rezultati ka ovel sine javer čhane soske sato vakti sine biršim thaj sine bare panja. I struktura taro manuša so denge vota sine asavki kote so :66% so sine bašo ikljoviba tari EU sine hangutne dži ko 16 berš thaj naagorkerdi edukacia. dži kote 71% taro hangutne so sine te ačhol pe ki EU sine le univerzitetsko diplome.
O ikljoviba e Britaniake tari EU dengja motivo e euroskeptikonge te roden olada ko ple thema. An i Holandia o Gert Vilders, lideri tari antieuropakiri partia palo rezultatia ki Britania bičhavgja mesažo: ” I Britania dikhela plo avutnipa, akana trubul thaj i Holandia”
O Marin Le Pen anglutne ko plo Twitter profilo hramoisargja: Vakti si baši demokratia an i amari them. I Franmcia trubul te ovel la niami ko alusar.”
O Timo Soini lideri tari euroskeptik partia an i Finska dengja suporto e ande deciziake ki Britania.
– I nacia vakergja piro lafi . Nisavo bibahtalipa na trebel te ovel upral olende, vakergja ov palo dende desave komentaria taro desave političaria kaj akana trubul e Britania te globinel pe sebepi asavki decizia
