Kana avel pe ki romani mahala an i diz Prnjavor ko vakti tari vizita ki akaja diz , anel tumen o drumo anglal o kher taro Sakib Zahirović Pirije.
O Prnavorlkanja vakeren kaj o Pirija si simboli e romane naciake taro akaja diz., thaj i diz džanela le sar jekhutno phirno an o Prnjavor. Nekana akaja profesia sine but bari thaj profitabilno, kote o dživdipa sine but phareste bizo akala phirne, kote majbut roden sine o gavutne, a akana akaja profesia pohari našavgjovela.
O Pirija vakerela kote oleskere parapapia nekana len sine but love tari akaja profesia kote so keren sine alati sar so si – plugia phuvjake. motike, lopate, ašovia, kose. Odova avdive si but hari.
E kovačko phirnipaja kerav paše 30 berša buti, numa nikana na dživdinav sine tari akaja buti. Angleder o mariba kerel sine buti sar bravari an o Jelšingrad.
–Mangav te asac. Nane valjda te rovav. Kana ka dikhav lačhe si kana našti majlačheste. Vakerel kote isi divesa kana isi le but buti, našti resel te kerel sa bašo jekh dive. – Uštava, tharav io jag thaj udžarav klientela. Desavo drom isi man but, pa našti resav sa thaj mukhava tajsaske. Savore džanena man, odoleske na holjanena mange., vakerel o Pirija
E komšiencar nakhava but šukare. Sare džanena man. Ni jekh na kergja mange bilačhipa ko vakti kana sine o mariba. Džanaja amen maškar amende. Avdive keraja barabutne o baredivesa, soske odola si lačhe divesa, vakerela o Zahirović.
Link: http://www.prnjavor.info/jedini-kovac-u-prnjavoru-dobro-je-kad-ne-moze-bolje/
