An i Bari Britania isi paše 200.000 Roma, sikavela o majnevo rodaripa taro Universiteto ko Salford , havljaribaja kote kerel pe lafi bašo jekh taro majbare jekhina taro Roma ki West Europa.
Akaja percepcia si but pobari taro dži akanutno pakjajbe kote o numero e Romengoror aso e govermenteskere ofisia taro 2009 berš, prekal olende an i Britania “nane pobuter taro pinda mile” preperutne taro akava europakoro minjoriteti.
O rodaripa si kerdo ko vakti kana si sa pobaro o euroskepticizmo thaj majzoralo antimigracisko kampanja taro kherutne mediumia, kote o numero bajrola tari migracia thaj šubikerena e europakere kanonia thaj buvljaripa e Eu-eske taro ex komunistikane thema tari South Europa ko 2004 berš thaj peraviba e blokadake taro nalimitirimo butikeriba e imigrantenge tari Bugaria thaj Romania.
O limitiriba sine irame ko starti akale beršeske kana barili i antieuropakiri kampanja , numa o rodaripa taro Univerziteti ko Salford vakeren kote si but phare te notirinel pe o čačitno numero e Romenge so ale an i Britania palo 2004 berš thaj ekstra palo 2007 berš.
O ekspertia vakerena kote i romani jekhin si mobilno thaj odoleske si sakote an i them. Majbut si ki Anglia, an o reoni taro London thaj northwest kotora tari britaniakiri teritoria.
Ki West Europa majbut Roma isi an i Špania pobuter taro 750.000 , an i Francia paše 400.000. Pobuter taro 12 milionia Roma sar majbaro minjoriteto. kote majodorig dživdinena ko čorolipa thaj diskriminacia.
Ko rodaripa so si kerdo an i Britania kote majbaro kotor taro Roma an i them si so avile tari Slovakia, Romania, Bugaria, Ungaria thaj Polska.
