I situacia an i komuna Plehanovo, jekh taro majbare romane mahale an i Rusia, kote palo masovno protestia thaj konfliktia so sine angleder nekobor kurke maškar lokalno dizutne thaj i policia an i konekcia taro čhinaviba o gas ki akaja mahala thaj odoja represia upral o Roma tari akaja mahala majodorig si tenzično. Ko starti taro juni , počmingja o peraviba e nalegalno kherenge kote dživdinen o Roma ki odoja mahala. O Krsio angja decizia te peraven pe pobut taro 120 khera. O membro tari lokalno administracia, Evgenij Avilov, vakerel kaj i situacia ki komuna si relativno tromali.
O serveri taro portali Romea.cz havljargja informacia bašo o konfliktia ko Plehanovo ko agor taro masek maj. O Roma so denge intervju ko odova vakti vakergje kaj darana tari dislokacia taro odova than thaj legariba ko aver desave thana.
O lokalno Roma tubul sine te len than korkoro te peraven ple 121 khera ko agor taro maj thaj starti taro juni, numa korkoro ple khera peravgje salde duj familie. E čehiakoro radio angleder deš divesa havljargja kote ” nekobor šel romane familie dengje lenge jekvaš saati te džan peske taro khera thaj te džan ko jekh improvizirime thana ko jekh apartmania ko jekh hotelo.
Link: http://www.romea.cz/en/news/world/russia-romani-residents-of-tula-rebel-over-gas-supplies
