Ko 5-to Juni ko vakti taro lokalno alusariba an i Italia, ki šerutni rig sine o sukceso ko “tikne kandidatia” thaj o sukcesi tari Virdžinia Raggi so sikavgje baro bičalipa tari rig e tradicionalno partienge so si konektirime bare koruptivno skandalencar , thaj fakti kote ki avgo rota votiba ni jekh na legargja i viktoria bašo dizjakoro šerutno ko pandž majbare dizja an i Italia. I dujto rota taro votiba sine notirime bašo erati 19 juni. Numa so ka anel trampa an i konekcia e Romencar?
Štar taro pandž dizja, Torino Roma, Milano thaj Napoli si “kher” majbaro numero Romenge an i Italia.
O Roma taro akala dizja legarena o pahripa e anavea “nomadia taro riziko” so si havljarde odole anavea taro Govermento taro Berluskoni panda ko 2008 berš . Akava dekreti si reakcia taro govermento ko agjaar anavkerdo ” romane problemia” . Akaja situacia angja bari deportacia e Romenge thaj sitemsko izolacia, maltertiriba, thaj paldiba e Romenge so phagena o fundavno niamia bašo kherutnipa, edukacia thaj tromalipa upral i funda tari rasno diskriminacia. I Romani thaj Sinti – Caminati jekhin thaj aver individue sine notirime sar daravin thaj riziko e sistemeske. Palo nekoborberšengiri kriseskoro konflikto jekh romani familia teloikerdi taro ERRC te ovel nalegalno paldiba. Ko 2-to maj 2013 berš o Majučo italiansko Kriso angja definitivno decizia kote o akti havljargja le sar bizi funda, nakanonikane thaj namotivirimo.
Link: http://www.errc.org/blog/might-elections-actually-matter-or-make-a-difference-for-roma-in-italy/109
