I Selma Selmani si terni romani čhaj so sikljol arti thaj si taro Bihać, thaj jekhto studenti Rom an i Akademia bašo arti an i Banja Luka, kote studirinen thaj olakere duj jekvaš phralja o Mersud thaj o Ferdih. Anglutne oj džala sine ki maškarutni škola bašo arti kana olengoro talenti dikhlja o profesori Mirza Ibrahimpašić so dengja len motivo te džan majangle e educiribaja.
“Me sium biami ko kher kote niko na drabarel sine lila, thaj na sine lila drabaribaske, a kana ka lav sine te drbarav desavo lil, dikhena man sine sar nesavo aver manuš. Ko jekh mi daj na vakerel mange sine sako dive ” ajde ki škola” numa vakerel sine ” trubul sako dive te dža an i škola?” vakerela i Selma.
„Bazirinava man pi mande thaj na ladžav so sium Romani. Amen siem normalno manuša so keraja dživdinaja thaj ikeraja amari tradicia thaj kultura, thaj sa okova so kera akana kerale sine angleder šel berša da” vakerel i Selma
„O arti mange si sar instrumenti kote šaj sikavav man individualno thaj saste. Ko starti barabutne me phralencar na havgjem kote amen siem artistia, numa odoleske keraja zori po hari ko čačuni forma e lafeske ova artistia thaj te kera majbut amare romane jekhinake” vakerela i Selma Selmani
Link: https://www.youtube.com/watch?v=NPDxOABQFy8
