Akala dive an i diz Prizren ikergja pe rotali mesali an i tema:” I romani čhib an o Prizren, dopherdo moldipa jali ignor”? An idebata si vakerdo kote o aktuelno kanonia an o Kosovo dena šajdipa i romani čhib ovel oficialno an i komuna Prizren.
Ko vakti tari debata dendi si analiza odole lageripaja te del pe propozalothaj te opservirinen pe o iniciative te šaj te ovel aktivno akava multietnikani diz a e Romen te ovel olen pli oficialno čhib ko Prizren. O Nedžip Menekše tari NGO ” Durmiš Arslano” akcentiringja kote majabro numero relevantno persone avile an i akaja debata so sikavela i refleksia progreso te kerel pe plani thaj platforma kote i romani čhib resel statuso tari oficialno čhib an o Prizren.
Dži kote i romani jekhin mangel olengiri čhib tradicionalno te kerel pe an o Prizren, i Komuna upral i funda šaj akceptirinela i romani čhib sar oficialno. Odova ka sikavel kote tegani o Roma ka ovel len šajdipa o oficialno dokumentia thaj aver dokumentia te kerel pe translacia kote i komuna trubul te lel odoja obligacia thaj te kerel translacia e dokumentenge pi romani čhib.
