O themutne tari Albania, Bosna thaj Hercegovina, Kosovo, R.Makedonia, Montenegro thaj Srbia, nane len šanse te resen statusi sar imigrantia an i Germania, soske aven taro siguriteno thema. Okova so ka khuvel an i Germania thaj odori aplicirinela bašo azili thaj ka udžarel te ovel irami oleskiri aplikacia trubul te džanel kote nane te ovel leske mukhlo lungo vakti te khuvel palem an i teritoria tari Germania thaj ki Šengen zona. Trujal odova šaj resel leske zoresa deportacia!.
Taro 1 januari 2016 berš sa o themutne taro akala thema isi len akana majkomoditetno forma te šaj khuven an i buti.
Dži kote dži akana na sine tumen desavo lungovakteskoro thanjaripa an i Germania taro privat vizite, šaj resen bukjakiri viza baši Germania dži kote si tumen akala forme:
Si tumen kontrakto baši edukacia tari maškarutni škola jali bukjarno than an i Germania.
Tumaro eventualno šefo te del tumen bukjakoro sertifikati ko Centari bukjake.
Odori ka dikhen:
Odole bukjarne thaneske nane aver alternativno manuš tari Germania jali tari EU. O bukjarne šartia si jekhutne sar sako Germancoske. I plata ka ovel odokhar kobor so šaj lel Germanco odole bukjarne poziciake.
Kana tumaro šefi ka havlajhrel akala pučiba direktno ko institucie an i Germania thaj sa o dokumentia. Ka oven dende tumenge thaj ka džan an i Germaniakiri ambasada an o Skopje te aplicirinen viza bukjake. Sa odova trubul te ovel finiširime anglal te džen an i Ambasada!
Detalno informacie šaj te arakhen ki web rig e Ambasadake (taro 2016 berš)
Dži kote sien sine ki Germania ki praktika jali bukjaja jali apliciringjen bašo azili trubul te informirine tumare šefe an i Germania odoleske. Ov tegani ka valjani te rdoel dopherdo akcepti taro Ofisi baši migracia.
Na rubul te garaven kaj sien sine an i Germania. Odova ka notirinen kana ka keren tumenge o akti dejbe viza thaj te na vakergjen, šaj te iranen tumari aplikacia.
Dži kote ko nakhlo periodo lelen desave love jali aver tari Germania sar azilanti , ka resen bukjakoro sertifikati majsig bašo 24 masekoja palo tumaro iraniba tari Germania.
Dži kote an i Germania rodingjen azili ko periodo 1 januar 2015 berš thaj 24 oktomvri 2015 berš jali panda sien an i Germania, šaj te istemalkeren akala forme salde te gelen tumenge tari Germania pali havljarin akale neve kanonege.
O rodaripa bašo azili valjani te iranen le. Odova ka ovel irame kana ka ikljon tari Germania thaj nane te mukhen tumen palem te khuven.
Bašo te roden bukjarne thana šaj te roden an o:
Zentrale Auslands- und Fachvermittlung (ZAV) – Tel. 0049 228 713-1313.
On line berza bukjarne pozicie ki Sojuzno agencia bukjake: http://www.jobboerse.arbeitsagentur.de
Ko jekh asavke informacie šaj te arakhen an i makedonikani čhib ki veb rig taro Sojuzno Ministeriumi baši buti thaj socialno politika: http://www.bmas.de/DE/Presse/Meldungen/2015/arbeiten-in-deutschland
