O starti kana sine ko agor taro noemvri thaj starti taro dekemvri 2015 berš kana avgo drom sine promovirime o web portali Romatimes news, dengja peske decizia kana ka avel o vakti te ovel majvizirkerdo thaj majdrabardo romano portali, sar an o regiono agjaar thaj majbuvleste. Informaciencar taro diferentno karakteri , taro dive ko dive o portali barilo an o jekh lačho drabarutnengoro than, kote sako arakhel sine so leske interesno.
O saikerina so sine plasirime sar informacie sine politikane, ukakere, edukaciakere, kulturakere, tradiciakere thaj zabavno karakteri.
O avgo periodo, o timi taro Roma Times news sine čale thaj taro 300 jali 400 vizite an o dive.
Numa sar nakhela sine o vakti o portali resel sine sa pobari pakjiv thaj popularnost. Odole faktea sine odova so dikhaja sine kaj resaja sa pobari pakjiv thaj simpatie tari rog e drabarutnengiri.
Odova majbut sikavgja pe ko agorutno periodi kana salde bašo 7 divesa amende vizitkergje thaj drabargje amare informacie upreder 16.000 manuša – vizitoria jali ko prosek ko dive pobut taro 2.000 vizite. Sar ilustracia ko agorutno dive taro maj masek jekhe diveske dikhle amen paše 7.000 manuša!.
Numa akate na ačhovaja amen žaja majodorig te kera bauti thaj te resa tumari pativ.
O Roma Times news kerel buti ple drabarutnenge thaj trubul olenge te keren pe majodorig kvalitetno thaj anglal sa informacie taro avgo aspekti.
Te da amenge lafi kote ko avutno aver notiriba tumencar thaj aso i dinamika tari vizita e portaleske dži ko agor e 2016 beršeske te resa o numero 1 milioni vizite.
Savore barabutne siem majzorale.
