I dešušov beršengiri Marijana Katić taro Pariz si došali bašo o konflikto maškar o žiri ko Grand Čerenja. O Šaban Šaulić thaj o Dragan Stojković – Bosanac ale dži ko konflikto thaj o tenzie na perena. Numa ni oj na nakhlja but šukare soske savore keren la došali sar so vakeren aver kaj dela love e Šaban Šauličeske thaj i Snežana Đurišič te den plo hango olake.
–Majodorig isi palem komentaria mange . O manuša komentirinena kaj trubul te ovav eliminirimi thaj an i trinto rota trubul sine te nakhel i Sanela, a na me.
Vakeren kaj dava love e Šabaneske thaj e Snežanake te den plo hango mange. Persi berš an o jekh biav an i Viena gilavdem me o Šabani thaj i Snežana, thaj tegani i Snežana dengja man desave lačhe muabetia bašo sar te giljavav an o Zvezde Granda. Kana ikliljum te giljava an o akava šou, o duj džene prependžargje man so sine normalno, thaj te mangav sine te pukjinav, me ka pukjinav sine ki Grand produkcia te ikavav mange CD, a na te mučinav man tari rota ki rota, vakerela i Marijana.
I Marijana ko jekh vakti vakerela kaj sine but telepearvdi lafencar kaj si Romani thaj salde giljavutni ko bijava. Oj vakerela kaj na ladžala so si Romani , thaj nikana na garavela sine kaj si Romani tari daj, thaj olakoro dat si Srbianco.
Oj vakerela kaj o majbare giljavutne an i Grand produkcia si roma sar so si o Darko Lazić, Aleksandra Prijović, Šaban Šaulić thaj avera.
