Ko vakti tari pli oficialno bukjarni vizita e Švedskake , o prezidento taro IRU Zoran Dimov barabutne e IRU delegatoncar tari Švedska Stevo Kuzhicov, Gregor Julson, Rosita Gronfors, Ajten Berlafathaj Stefan Palison. sine le dikhiba e šerutne pastorea tari i Internacionalno Romani Evangelistikani Misia – I.R.E.M. o Lars Demetri. O Lars Demetri ko jekh si aktivisto eksperti an o Švediakoro Govermenteskere referentia thaj ekspertia an i grupa bašo buti keriba ko Romane pučiba an o nacionalno than internacionalno nivelo.
Ko jekh ov si membro an o Bordo taro Komiteto an o ERTF (Europakoro Romano thaj Travel Forumo) thaj Presidento an o Romani Hristiansko socialdemkratikani partia.
Ko mitingo sine prezentirime dži akanutne aktivitetia thaj plania so an o auvutnipa o IRU trubul te kerel.
Ando si konkluzia an i konekcia thaj barabutno butikeriba akale duj organizacienge te resen barabutno targeti te del pe arka e romane populaciake.
Sebepi so i misia e Romane khangirake si majabre netvorkoja an i lumia so isi la 200 khangira thaj grupe so keren buti thaj aktiviteti na salde taro “religiakoro ” aspekto numa ko problemia bašo rasizmo, diskriminacia, anticiganizmo, manušikane niami, natolerancia, droga, alkohol, biznisi manušencar thaj aver.
Ola prekal o khangirakere platforme resena ko sa o Roma an i lumia.
I konekcia maškar o IRU thaj IREM thaj o aver Romane organizacia an i Švedska so si an o Malme, Helsinborg thaj Lund ka zojrakeren i pozicia thaj i buti taro IRU.
Trubul te akcentirinel pe kote akaja konfederacia ko butikeriba e Romencar tari Skandinavia si historikano akto an o IRU.
